Please follow and like us:

Pòtoprens, 6 avril 2023 [M9H] — Malgre 2 dènye viktwa seleksyon nasyonal foutbòl lakay gason yo, fas ak Montsera kote li te genyen kat gol a zero (4-0), epi fas ak Bermudes, twa gòl ak youn (3-1), nan lig B nasyon yo, viktwa sa yo pa pèmèt Grenadye yo, progrese nan klasman mondyal Fifa, Grenadye yo rete tenmfas nan 87^e plas lan ak 1275 pwen, nan mitan Zambie, ki 86^e ak 1280 pwen, ak Kiraso ki swiv li ak 88^e ak 1272 pwen.

Ayiti pèdi 2 plas nan klasman konkakaf la. Poutan, pa gen okenn chanjman nan top 6 lan, ki gen ladann li Etazini, ki premye nan zon nan, aloske li 13^e nan monn lan, Meksik ki dezyèm nan zon nan, li 15^e mondyal, Kosta Rika 3^e nan zon nan, men ki 39^e nan monn lan, Kanada ki 4^e, men 47^e mondyal, Panama ki 5^e nan zon nan, men 58^e nan monn lan, ak Jamayik ki 6^e nan zòn nan, men 63^e mondyal.

Poutan Salvadò, ki 7^e nan zon nan, 75^e mondyal, ak Honduras ki 8^e nan zon, men 80^e mondyal.

Se Salvadò ak Ondiras, ki se gran benefisyè nan klasman sa a, paske li pran devan Ayiti ki te 87^e epi Kiraso ki 10^e nan zon, men 88^e mondyal. Sa ki fè Ayiti pèdi 7^e plas nan zon konkakaf lan, pou li vini kounya nan 9^e plas.

Pwochen klasman mondyal Fifa a, ap pibliye nan dat 20 jiyè kap vini an, pandan tan sa a, Ayiti ap gen pou li jwe Gold Cu plan, kap koumanse nan dat 24 jen pou li fini nan dat 16 jiyè 2023.

Please follow and like us: