Ensekirite: Lapolis di li reprann kontwol katye Solino aprè bandi gang ak zam Viv Ansanm yo te anvayi li
Potoprens, 22 oktob 2024 (M9H) — Sitiyasyon ensekirite jeneralize ki plane sou tèritwa nasyonal la, notamman, depatman Lwès ak Latibonit la, pa sispann kreye panik sou tout kote epi rann abitan prèske nan tout zòn vin san abri, yon sitiyasyon ki vin anflimen pi piplis toujou sitiyasyon malouk pèp la ap viv depi dènye lane sa yo.
Si aprè chak anons ki sòti nan kan sivil ame yo leta rete bra kwaze, ebyen yo menm yo ap kontinye miltipliye zak ak krim sou popilasyon an ki pa gen mwayen ankò pou rale yon souf.
Depi plis pase yon lane, gwoup Viv Ansanm ap chache gen kontwòl katye Solino, yon katye estratejik, malgre tout rezisitans abitan nan zòn sila pou anpeche bandi yo tabli baz yo, men fòs yo pat sifi pou reziste ak gwo van tanpèt nèg Viv Ansanm yo, pandan wikenn 18 ak 20 Oktòb 2024 la.
Teyoris yo rive tabli yo anndan Solino, zòn limitwòf ak Dèlma 24, Nazon, Fò Nasyonal, elatriye. Aprè yo fin rantre Solino ak gwo zam fann fwa, yo ap chante a linison “Depi w pa Viv Ansanm, n ap boule w an sann”
Antouka Solino pwolonje lis tèritwa pèdi yo, se kesyon anpil moun ap poze.
Eberne SALOMON, Média 9
