Ayiti-entènasyonal: Kontwole Sena Ameriken an, se pral youn nan gwo batay Joe Biden
P-au-P., 09 nov. 2020 [M9H] — Prezidan dezinye Etazini an, Joe Biden dwe livre nan mwa janvye kap vini an, yon nouvo batay politik pou li ka reprann Sena a, ki pral depann kapasite li genyen pou li mennen divès refom li anvizaje yo.
Eleksyon prezidansyel la te sere epi konkèt Mezon Blanch lan pat akonpanye li ak yon vag demokrat. Kontrol channm wòt nan kongrè a ap jwe 5 janvye kap vini la, nan yon doub eleksyon pasyèl nan Eta konsèvatè an an Georgie.
Gen 2 syèj ki kapab fè baskile majorite a bò kote demokrat yo nan Sena a. Pa gen okenn lwa ki ka adopte san chanm wòt la, ki gen tou pouvwa pou li apwouve nominasyon prezidansyel yo, minis yo, anbasadè yo, ak jij yo nan lakou siprem.
“Kounya nou te pran Georgie, epi n ap chanje mond lan » se dizon chèf minorite demokrat yo nan Sena a, Chuck Schumer, devan plizyè moun ki t ap pase ki te kontan nan New Yrok aprè viktwa Joe Biden nan. Chèf minorite demokrat nan Sena a, Chuck Shumer.
Batay kont pandemi Kovid-19 la, pi gwo plan èd ekonomik, klima, imigrasyon, diplomasi, anje yo anpil.
Chanm reprezantan an te konsève majorite demokrat li a. Ak yon kongrè ki divize, Biden pral blije afwonte reyalite a, daprè Joh Pitney, pwofesè nan Syans politik nan Inivèsite kalifonyen nan Claremont Mckenna.
Batay nan Georgie a pral sere. Kontaj eleksyon prezidansyel madi a pako fini, e Joe Biden Mennen selman yon ti pati.
Eta sa pa vote pou yon kandida demokrat nan Mezon Blanch depi 1992 men sou efè indedi pou li mobilize elektè yo ki soti nan minorite yo, demokrat yo koumanse reve pou yo ta genyen 2 syèj sa yo.
Yo konte tou sou elan lafyèv elektoral ki te bay Joe Biden viktwa sa a.
Kamala Harris desizif
Repibliken yo genyen aktyèlman majorite nan Sena a, ak 53 syèj sou 100. 35 syèj te anje andan eleksyon prezidansyel la ak palmantè madi a.
Demokrat rive redwi majorite repibliken an ak selman yon vwa. Si yo genyen 2 syèj nan Georgie yo, 2 pati yo ak yon genyen yon egalite pafè.
Konstitisyon an prevwa Vis prezidant lan Kamala Harris kapab depataje yon evantyel vot si gen 50 senatè kont 50 lot.
Si Sena a taa rete repibliken, Joe Biden, eli chanm wot la pandan 36 lane, ta dwe mete li kanpe talan dyalog li ak negosyatè li.
Prezidan eli an ta dwe sitou konpoze ak Mitch MConnell, chef nan majorite repibliken an nan Sena a, mèt taktisyen tout moun pè. A 78 lanne, apre yon alyans ki te dir 4 lane ak Donald Trump, li te parèt tankou youn nan gwo chabrak bo kote repibliken yo.
Kredi PHOTO : ANGELA WEISS, AFP
Source : Mapresse.ca
